Taqasaj Firefox

Firefox is no longer supported on Windows 8.1 and below.

Please download Firefox ESR (Extended Support Release) to use Firefox.

Download Firefox ESR 64-bit

Download Firefox ESR 32-bit

Download a different build

Firefox is no longer supported on macOS 10.14 and below.

Please download Firefox ESR (Extended Support Release) to use Firefox.

Download Firefox ESR
Firefox Ichinan Rutzijol
Get Mozilla VPN

Ri Rutz'aqat Rutzijoxik Mozilla

Q'uq'unïk richin jun Raxinäq K'amaya'l

Ri jaqäl, chijun k'amaya'l jun nïm rutob'al tzijob'äl chuqa' to'ïk, ri majub'ey qatz'eton. Rutzeqelib'en jujun qakuqub'ab'al k'u'x richin rutzil ri winäq. Nuya' q'ij richin k'ak'a' taq etamab'äl, nunük' komon ach'alalri'ïl chuqa' nusöl rij ri k'ayewal yekitz'ët ri winaqi' chijun k'ojlib'äl.

Ri ruk'isib'äl lajuj juna', qatz'eton nik'ulwachitäj ri nisuj pa jalajöj rub'anikil. Chuqa' qatz'eton ruchuqa' ri k'amaya'l toq okisan richin nib'an jachojri'ïl, nitikirisäx oyowal, nitalüx itzelanïk chuqa' yejalwachïx k'ulwachitajnem o k'aslemalil. Xqetamaj chi k'o ta chi niqajikib'a' ri qarayib'al richin ri retamab'al winäq pa k'amaya'l. Niqab'än wakami.

  1. Qaq'uqun qi' rik'in jun k'amaya'l ri yerujïk' konojel ri tinamït e k'o pa ruwach'ulew — akuchi' ri rub'anikil ruwach'ulew k'o wi jun winäq man tujikib'a' rokem pa k'amab'ey, taq samaj o chuqa' ri rutzil retamab'al.
  2. Qaq'uq'un qi' rik'in jun k'amaya'l ri nuyäk ruk'u'x jun aj winaqil ch'owen, rejqalem winäq chuqa' ri ruch'owen winäq.
  3. Qaq'uq'un qi' rik'in jun k'amaya'l nunimirisaj ri ajch'ob'onel, ri ajna'ojel, ri komon etamab'äl chuqa' ri ejikib'an taq k'ulwachitajinem.
  4. Qaq'u'un qi' rik'in jun k'amaya'l ri nunimirisaj to'ïk chi kikojol jalajöj tinamït, ri junam yekisamajij ri kisamaj.

Ri 10 qichin Taq ruk'u'x tzij

  1. Ruk'u'x tzij 1

    Ri k'amaya'l jun ütz k'ulel pa k'ak'a' k'aslem—jun nïm retal tijonïk, tzijonem, to'ïk, k'ayij loq'oj, etz'anem chuqa' chi re ri winaqilal pa ronojel.

  2. Ruk'u'x tzij 2

    Ri k'amaya'l kisamajib'al winaqi' chijun ruwach'ulew, ri k'o chi jantape' jaqel chuqa' okel.

  3. Ruk'u'x tzij 3

    Ri k'amaya'l k'o chi nrutzilaj kik'aslem ri winaqi'.

  4. Ruk'u'x tzij 4

    Ri kijikomal chuqa' ri kichinanem winäq pa k'amaya'l yalan rejqalem chuqa' k'o chi man nitz'et ta achi'el choj cha'el.

  5. Ruk'u'x tzij 5

    Ri winaqi' k'o chi e jwi' richin nikib'än runuk'ulem ri k'amaya'l chuqa' ri ketamab'al chi rij rija'.

  6. Ruk'u'x tzij 6

    Ri rutzil k'amaya'l achi'el jun aj winaqil tob'äl ruchajin ri rusamajixik ri' (rub'eyal taq samaj, kib'anikil taq tzij, rupam), ri tz'ukuj chuqa' ri jachsamajinem to'ïk chijun ruwach'ulew.

  7. Ruk'u'x tzij 7

    Ri jamäl kema' chuqa' ri jaqäl b'itz'ib' nuya' rutzijol runuk'ik ri k'amaya'l rik'in jun aj winaqil tob'äl.

  8. Ruk'u'x tzij 8

    Ri ch'ajch'öj taq b'eyal epetenäq chi rij ri tinamït nikiya' rutzijol ri to'ïk, ri niman tzij chuqa' ri kuqub'äl.

  9. Ruk'u'x tzij 9

    Ri ruk'ayixik k'amaya'l nuya' rutzil ri runuk'ulem, k'atzinel nipaj kij ri k'ayinïk taq rayb'äl chuqa' ri aj winaqil taq to'ïk.

  10. Ruk'u'x tzij 10

    Kinimirisaxik ri taq retal ajwinäq rurayb'al k'amaya'l k'o chi jun nïm rayb'äl ri nrajo' qaramaj, qatzub'al chuqa' ximoj qatzij.