Rheolwr cyfrinair am ddim

Mae Firefox yn storio'ch enwau defnyddwyr a'ch cyfrineiriau ar gyfer mynd i wefannau'n ddiogel, yn eu llenwi'n awtomatig i chi y tro nesaf y byddwch yn ymweld â gwefan, ac yn gadael i chi reoli'ch mewngofnodion wedi'u cadw gyda'i nodwedd rheoli cyfrinair mewnol.

Gyda chyfrif am ddim Cyfrif Mozilla gallwch gydweddu'ch cyfrineiriau'n ddiogel ar draws eich holl ddyfeisiau. Gallwch hefyd gael mynediad at holl gynnyrch eraill Mozilla sy'n parchu'ch preifatrwydd.

Awtolenwi cyfrinair ar gyfer mewngofnodi hawdd

Gall Firefox lenwi eich enw defnyddiwr a chyfrinair wedi'u cadw yn awtomatig. Os oes gennych fwy nag un mewngofnod ar gyfer gwefan, gallwch ddewis y cyfrif rydych ei eisiau a byddwn yn ei ddefnyddio o hynny ymlaen.

Mewnforio cyfrineiriau

Gallwch ddefnyddio'r dewin mewnforio i fewnforio'n rhwydd (bron yn hudol) enwau defnyddwyr a chyfrineiriau sydd wedi'u cadw ar Chrome, Edge, Safari neu unrhyw borwyr eraill. Dewiswch Cyfrineiriau o'r ddewislen, ac yna cliciwch ar “mewnforio i mewn i Firefox” ar waelod y dudalen Mewngofnodi a Chyfrineiriau.

Dim mwy o ailddefnyddio'ch cyfrineiriau

Cael Firefox i greu cyfrinair cryf, unigryw ar gyfer pob mewngofnod sydd gennych ar draws y we — fel hyn, os caiff un o'ch cyfrineiriau ei hacio oherwydd tor diogelwch, dim ond un cyfrif y bydd yn effeithio arno, ac nid y cyfrifon eraill hefyd.

Rhybuddion diogelwch cyfrinair

Mae Firefox yn eich rhybuddio os yw cyfrinair wedi'i ddatgelu mewn tor-data fel y gallwch ei newid cyn i hacwyr gael cyfle i wneud rhywbeth fel rhentu Lambo gyda'ch cerdyn credyd.