Tu talentos es necessari pro un internet melior
Mozilla es un organisation non-lucrative laborante pro curar que internet es aperte e acceptante pro totes. E nos besonia tu auxilio. Per junger te a nostre communitate, tu pote adjutar guidar le innovation, meliorar responsabilitate e confidentia, e render internet un loco melior pro totes.
Suggestiones practic pro contribuer…
Traducer le contento
Internet es global solo si illo es comprendite ubique. Adjuta nos traducer productos e sitos web de Mozilla in tu lingua local.
Contribue al codice base de Mozilla
Meliora activemente le productos Mozilla contribuente a un varietate de opportunitates de disveloppamento.
Organisation de personas e eventos
Adjuta render le productos Mozilla facile a usar. Responde al questiones de "adjuta" del personas, como parte del Foros del communitate de supporto de Mozilla.
Junge te al communitate
Vole tu esser plus implicate in le communitate Mozilla? Discoperi tote le opportunitates de voluntarios in nostre portal de communitate.
Nostre mission
Nostre mission es de assecurar que internet es un ressource global public, aperte e accessibile a totes. Un internet que vermente antepone le personas, ubi illes pote formar lor proprie experientia, e esser integrate, secur e independente.
Producite per personas passionate como te
Quando tu contribue a Mozilla, tu deveni parte de un communitate global formate de personas de tote le mundo qui crede que nos tote ha un rolo in assecurar que internet resta un fortia positive.
Nos crede que le collaboration del communitate es vital pro le creation de un internet diverse, innovative e responsabile pro illes qui plus besonia de isto. Si tu ha un fundo in technologia, organisation de communitates o justo un computator e alcun tempore libere, tu pote adjuta nos a render internet un loco melior.