Firefox ზღუდავს ამოცნობას

რა არის ანაბეჭდით ამოცნობა?

ანაბეჭდით ამოცნობა, ინტერნეტში თვალის დევნების სახეა, მეტად მძლავრი ვიდრე ფუნთუშებით მეთვალყურეობა. ციფრული ანაბეჭდი იქმნება, როცა კომპანია ადგენს თქვენს დახასიათებას, თქვენი კომპიუტერის აპარატურის, პროგრამული უზრუნველყოფის, დამატებების და ასევე, პარამეტრების საფუძველზე. ეკრანის ზომები, სისტემაში დაყენებული შრიფტები და თუნდაც შერჩეული ბრაუზერი, შეიძლება გამოიყენონ თქვენი ანაბეჭდის შესაქმნელად.

თუ გაქვთ ცნობილი მწარმოებლის ლეპტოპი, სამაგიდო კომპიუტერი ან სმარტფონი, შესაძლოა გართულდეს თქვენი მოწყობილობით გამორჩევა ანაბეჭდის შესაქმნელად. თუმცა განსხვავებული დამატებებით, შრიფტებითა და პარამეტრებით, მაინც ადვილია თქვენი პოვნა. კომპანიებს შეუძლია ამ განმასხვავებელი კომბინაციებით შექმნას თქვენი ანაბეჭდი. სწორედ ამიტომ, Firefox ზღუდავს გავრცელებულ ამომცნობებს, რომ თავისუფლად შეძლოთ რჩეული გაფართოებების, იერსახისა და მორგებული პარამეტრების გამოყენება, ადევნებული რეკლამების გარეშე.

ანაბეჭდით ამოცნობა აზიანებს ვებსამყაროს

ანაბეჭდით ამოცნობის მეშვეობით, შესაძლოა თვეებითაც გადევნონ თვალი, ბრაუზერის გასუფთავების შემთხვევაშიც ან პირადი თვალიერების რეჟიმით სარგებლობის დროსაც — ეს უგულებელყოფაა თქვენი მკაფიო განაცხადის, რომ არ გსურთ თვალს გადევნებდნენ. მიუხედავად თითქმის სრულყოფილი შეთანხმებისა სტანდარტის დამდგენთა და ბრაუზერების მწარმოებელთა შორის, რომ ანაბეჭდით ამოცნობა ზიანის მომტანია, მისი გამოყენება ვებსივრცეში ჩანს, განუხრელად იზრდება ბოლო ათწლეულში.

Firefox ზღუდავს ამოცნობას

უახლესი Firefox-ბრაუზერი გიცავთ ამომცნობებისგან გარეშე მხარის მოთხოვნების შეზღუდვით იმ კომპანიების მიმართ, რომლებიც შემჩნეულნი არიან ანაბეჭდით თვალთვალში. ჩვენ მთელი ძალისხმევით ვმუშაობთ, რომ პირადულობის დაცვის ამ საშუალებამ, არ შეგიშალოთ ხელი ვებსაიტების სრულყოფილად გამოყენებაში. (იხილეთ ვრცლად, თუ გაინტერესებთ ტექნიკური საკითხები).

და ამისთვის არაა საჭირო პარამეტრებში ქექვა. უახლეს Firefox-ბრაუზერში, ამომცნობების შეზღუდვა ჩვეულებრივ, ნაგულისხმევადაა მითითებული. იხილეთ თქვენი პირადულობის დაცვის მაჩვენებლები და შეამოწმეთ, როგორ ცდილობდნენ ფარულად თქვენს თვალთვალს და როგორ გიცავდათ Firefox ამისგან.

ალბათ მიუღებელი იქნებოდა თქვენთვის, ვინმე რომ თქვენს თითოეულ ნაბიჯს თვალყურს ადევნდებეს ნამდვილ ცხოვრებაში. შესაბამისად, არც იმის მიზეზი არსებობს, რატომაც ეს მისაღები უნდა იყოს ვებსამყაროში. თუ უკვე არ გაქვთ Firefox, ჩამოტვირთეთ და დაიცავით თავი ციფრული ანაბეჭდით თვალთვალისგან.