Tabs fixads

Cun fixar tabs en Firefox has ti tias websites preferidas adina avertas ed a distanza dad in clic. Quellas vegnan avertas automaticamain cura che ti avras Firefox. Nus essan da l'avis che quai è spezialmain nizzaivel per tegnair adina per mauns per exempel websites dad e-mail e chalender.

Els èn pitschens e ti n'als pos betg serrar per sbagl perquai ch'els n'han nagin buttun per serrar. Ti stos l'emprim deactivar la fixaziun per als serrar.

Ti vesas cura che tes tabs fixads vegnan actualisads, per exempel sche ti survegns in nov e-mail u in messadi direct.

Sche ti cliccas sin ina colliaziun en tes tab fixà, avra Firefox automaticamain la colliaziun en in nov tab separà, uschia che tes tab fixà resta avert per adina (u enfin che ti deactiveschas la fixaziun).