آپݨا Firefox براؤزر لوڑ مطابق کرو

Firefox تھیمز تُہاکوں آپݨے براؤزر دی شِکّل بدلݨ ݙین٘دے ہِن۔ اُوہ براؤزر مینیوز اَتے Firefox سسٹم دے ورقیاں کِیتے رنگ سکیم مُرتّب کرین٘دے ہِن، اَتے تُہاݙے Firefox ٹول بار وِچ پس منظر دی تصویر وی شامل کر سڳدے ہِن۔

Firefox طے شدہ سسٹم تھیم دے نال آن٘دا ہِے اَتے ہَولے، گھاٹے اَتے رنگین تغیراں دے نال پہلاں کنوں لوڈ ہون٘دا ہِے۔

تُہاکوں ٻئے مُفت لوڑ مطابق تھیمز addons.mozilla.org اُتے مِل سڳدیاں ہِن۔ سبھ توں وَدھ-درجہ بندی آلیاں، جِنّھاں دا رجحان ہِے اَتے ساریاں کنوں وَدھ تجویز کِیتے ڳئے تھیمز کوں براؤز کرو۔ یا سانچے دے لحاظ نال تھیمز لبّھو، جین٘دے وِچ موسیقی، موسمی، کھیݙاں، اَتے فطرت شامل ہِن۔ آپݨے تجربے کوں آپݨے ذوق دے مطابق بݨاؤ۔ سوہݨے کریٹرز، شِطانی روبوٹ، سوہݨے منظر — Firefox کوں آپݨاں بݨاوݨ دے ہزاراں چوݨاں ہِن۔